දෙවියා හා දේවාලය

දේවාලයයි එය රටට සවිය දුන්න
පිං බිමක් තමයි එය  සැමට කන්න දුන්න
වීරයන් බොහෝ ලක් මවට පිදුව එතන
කුඹුර තමයි එය බඩ ගින්දර නිවන

ඔහු ශ්‍රමයෙන් කන අය ලොව ජයගන්න
දවස පුරා රට වෙනුවෙන් බත දෙන්න
දේශය වෙනුවෙන් කැපවී වැඩ කරන
දෙවිදු ඔහුයි කුඹුරක් මත වැඩ ඉන්න

වාදකයා.....

වීදිය අයිනේ නලාව අතරින් තාලය බෙදලා දුන්නෙ ඔබයි
…රස පමනක් නොව ජීවිත පාඩම අපහට කියලා දුන්නෙ ඔබයි
…කැලඹෙන වා කද අතේ දරාගෙන කැලඹෙන දිවියට සටන සොයයි
…තම දිවි අයදින නලාව හඩවන ඒ අමුතුම ගුරුතුමා ඔබයි
…
…අතපය තිබියදි දිවිතොරකරගත් දන හට හරි පිලිතුර දුන්න
…සොර වංචා නැති මනුසත් දිවියට නිවැරදි උපදෙස ලැබ දුන්න
…තම හැකියාවෙන් දිවි රැකගන්නට උපරිම දිරි අරගෙන යෙදෙන
…සැබැඑම මිනිසෙකි ඔබනම් මේ ලෙස බටනලාව පිබඹින

නිදහස?

…පිටරට මුදල් ගෙන පොලියට හා ණයට
…ආධාරයෙන් දියුණුව යැයි රට රවට
…නොබලන කලට නව දෙයකින් ජය ගන්ට
…පිටරට වලට වදිනා නිදහස කුමට
…
…වැරදි කරුවො කවුරුත් බැහැ එල්ලන්න
…ආධාරයක් අඩුවන බව දැන ගන්න
…දේශය විකුනමින් උං සුර සැප විදින
…කවුරුත් කලේ ඔය ටික බව දැන ගන්න