2015 සුභ නව වසරක් වේවා...

නිවැරදි දෑතකට සිරිලක හිමි වේවා
සොබා දහමෙ කරුණාවද හිමි වේවා
රට නාමයෙන් සැමදන එකමුතු වේවා
නව වසරෙදී මුළු රටටම ජය වේවා

ක්‍රීඩාවෙදී ලොව දිනුමට හැකි වෙන්නයි
නව නිපැයුම්ද රට වෙනුවෙන් බිහි වෙන්නයි
ලෝකය ඉදිරියේ නැවතත් සිට ගන්නයි
ලක් මෑණියන් හට වසරම සුභ වෙන්නයි

මෝහිනී මෙසේ කියනවා ඇති...

මතකයි එදා අප දෑසින් කතාවුණා

හදවත පතුලෙ පෙම් හැඟුමන් මෝදු වුණා

සඳ යාමයේ අප නිතරම මුණගැහුණා

අඳුරු රැයක අප හැඟුමන් එකතු වුණා

දමා නොයන ලෙස කලකදි සපථ වුනා
ඔහුගේ වදන් හමුවේ මා රැවට වුනා
කළක් යද්දි ඔහු කොහිදැයි නොමැති වුනා
නමක් නොමැති පුතෙකුන් මගෙ ලගට වුනා

යන එන දිසා නැති ලෙස අසරණ මෙමට
වෙනත් යමක් කරගන්නට නැති කලට
දින දෙක අතර ඇතිවන දොළහේ පැයට
අවපුතු සමග පැන්නෙමි මම මහ ගගට

කෙම්මුර දිනට සද වැහියන් හැංගෙන්න
රෑකුමාරි මල් පිපියන් සුවදෙන්න
සිසිල් සුළං හමාපුදෙන් නැලවෙන්න
මගෙහිමි සොයා මා එන බව දැනගන්න

විනෝදයට ඇයි වැටවල් බැද ගන්නේ....

වෙනත් අයට කරදරයක් නොම වෙන්නේ
ඉන්නා ටිකේ සතුටින් දිවි ගෙනයන්නේ
ලැබෙනා දෙයින් සැමදෙන හා හිනැහෙන්නේ
විනෝදයට, ඇයි වැටවල් බැද ගන්නේ

පැවරෙන යුතුකමත් සතුටින් කරන ගමන්
මනුසත් දිහා එක විදිහට බලන ගමන්
අළුත්, පැරණි දේ නිවැරදි ලෙස ගනිමින්
දියුණුව කරා දිවි අරගෙන යමු සතුටින්

නව නිපැයුම්...

ලෝකය සමග රට පෙරටම ගෙනයන්න
අළුතෙන් සිතා අළුතෙන් දේ නිපදන්න
හෙට දින හැදෙන නව ලෝකය ජයගන්න
මනුසත් දියුණුවට විද්‍යා කරකන්න

අළුත් දෙයක් තනමින් ලොව ජයගන්න
අනාගතේ ලොව වෙනසට ගෙනයන්න
කරනා විටදි තව මොහොතක් සිතමින්න
සොබාදහම හැමදාටම රැකගන්න

රට නැංවූ මිනිසුන්

සීගිරි ගලේ සිතුවම් ඇන්දේ කවුරු
සිංහ රුවට ජීවය දුන්නේ කවුරු
සීගිරි ගලේ ඉතිහාසේ නම කවුරු
ඉතිහාසයද ඇයි මේ තරමට නපුරු

කලා වැවට දිය පිරුණේ කොයි දෑතින්
යොධ ඇලේ දිය ගැළුවේ කොයි දෑතින්
ඉතිහාසයේ නම් ලියවන කලට ඉතින්
ඇයි නොලිවුනේ 'සහ පිරිසයි' කියන වදන්

ඉතිහාසයෙම පර සතුරන් පැරද වුනා
රටකට ඕනෙ ඒ නිදහස සඵල වුනා
දේශය නමින් පොඩි මිනිසුන් මිය ඇදුනා
නිරිදුන් නමක් ඉතිහාසයෙ පල කෙරුණා

වඩුවාණනේ ඔබ කල බුදුරුව මනරම්
පුදුමයි ගලන්නැහැ මේ මුවගින් සදහම්
දෑසින් පෙනෙයි මෙත් මුදිතා ගූණ මනරම්
ඔබගේ දිවිය මෙලෙසට වූවද කැටයම්

ඉතිහාසයට අමතකදෝ ඔබේ නම
කාළය සමග ලියවිණ ඒ රජුගෙ නම
කෙලෙසින් ඔවුන් මග හැරියද හපන්කම
පොතකට නොවේ හද තුලටම කියමි මම

මේ මිනිසුන්ට මේ කවි පද ඇසුණා නම්
දෙන පිලිතුරුත් කෙලෙසට වෙද දන්නේ නම්

සීගිරි ගලේ ඇන්දේ යුතුකම වෙනුවෙන්
සිංහ රුවට දිවි දුන්නේ රජු වෙනුවෙන්
ඉතිහාසයේ නැති වූවද අප නාමෙන්
දුක නෑ කලෙමියුතුකම මම රට වෙනුවෙන්

කලා වැවට දිය පිරුණේ අපෙ දෑතින්
යොධ ඇලේ දිය ගැලුවේ අපෙ දෑතින්
මව් බිම හැදුණෙ ඒ නිරිදුන්ගේ නුවණින්
සැබෑ රජෙකු විය එතුමන් රට නාමෙන්

දෙදහස් වසක් මේ සිරිලක රැක දුන්න
දේශෙට ඕන ඒ නිදහස රැක දුන්න
අපි වෙමු සෙබළු හැම යුද්දෙම මිය ඇදුන
ඇගයුම නෙවෙයි මව් බිම විතරයි ඕන

දෙදහස් වසට ‍පෙර යුගයක ලක උන්න
මම වෙමි වඩුව බුදුන‍ග රුව හැඩ කෙරුණ
කළයුතු යුතුකමත් කෙරුවෙමි වෙත දෙරණ
මට නම් ඕනෙ නෑ මගෙ නම ලියවන්න

අදුර දුරු වේවා....

සිරිලක පුරා හැම අදුරම දුරු වෙන්නයි
අදුර මරා ආලෝකය බිහි වෙන්නයි
සැම පහණකින් අපෙ රට වෙත සෙත් දෙන්නයි
මෙදා පටන් ඔබ සැම හට ජය වෙන්නයි

සිත් තුල තිබෙන සැක සංකා දුරු වේවා
මුළුරට පුරා සිත් එක ලෙස යාවේවා
සැහට තිබෙන දුක් අදුරද දුරු වේවා
සැමදා රැකෙන මිතුදමකින් එක් වේවා

ඡන්දය...

වටිනා කියන අපගේ දෙය රැකගන්න
ගැලපෙන දෙයක් මව්බිම වෙත ගෙන එන්න
නිමැවුම් අපේ, ලොව වෙත අරගෙන යන්න
හැකි මිනිසකුට හය වසරක් රට දෙන්න

නීතිය නියම ලෙස රටතුල පවතී නම්
කාගෙත් වරදකට දඩුවම හිමි වේ නම්
මෙලෙසට කරයි ලෙස විශ්වාසය ඇති නම්
පමණක් දෙන්න ඡන්දය දැන වටිනාකම්

සුවිශේෂී ක්‍රීඩකයා....

අප රට නාමය ලොවට ගෙනයමින්
පන්දුව හමුවේ පිත්ත අතදරන්
ලොකය හමුවේ කරපු ඒ සටන්
මතකයි කෙළිබිම නැගු දද එලෙසින්

අරවින්ද ද සිල්වා මහතාට සුභ උපන් දිනක් පතමින්.... 

හජ්ජි පැතුම

ආගම දහම හරිහැටි හදුනාගන්න
ආගම නමින් වෛරය බෑ වපුරන්න
දෙවියනි නැවත මනුලොව වෙත වඩිමින්න
ආගම දහමෙ හරි අර්ථය පහදන්න

මනුසත් දහඑ හදුනන මිනිසුනි ඔන්න
දෙවියන් ඔබව රැකදෙන බව දැන ගන්න
ඔබගේ දිවිය හැමදාමත් සරු වෙන්න
කවකට නැගුණු මේ පැතුමන් පිළිගන්න

ශ්‍රේෂ්ඨ ශ්‍රී ලාංකිකයා...

උපන් බිමට තම යුතුකම ඉටු කෙරුව
ත්‍රස්තවාදයේ අදුර ල‍ොවට කිව්ව
ලොවක් ඉදිරියේ හඩක් රටට පෙව්ව
උදාර විරුවෙකි රටෙ පෙරමග කිව්ව

ලක්ෂ්මන් කදිරගාමර් මහතා වෙනුවෙනි.....

ලෝක ළමා දිනය වෙනුවෙන්

අනාගතය හැඩ කරන්න
හෙට ලෝකය දිනා ගන්න
අපෙ මව් බිම සුරැකගන්න
නිවැරදි දේ ඉගෙනගන්න

වර්තමාන ලාංකීය සමාජය

  වර්තමාන ලාාංකීය සමාජය අතරමං වී ඇත.ලාංකීය සමාජයේ නියමුවන් වන වැඩිහිටියෝ මෙකලට නොගැලපෙන පැරණි සමාජ ලක්ෂණ ස්තාපිත කිරීමට උත්සහ කරති. අනවශ්‍ය ලෙස ද‍ේශපාලකයන් කෙරෙහි බලාපොරොත්තු තබති.ශ්‍රී ලාංකික සමාජය තම අනන්‍යතාවය රැක ගැනීමටද ල‍ෝක සමග දියුණුවීමටද අසමත් වී ඇත.මීට හේතුව රැක ගැනීමට උත්සහ කළ සමාජ ලක්ෂණද ලබාගත් විදෙස් සමාජ ලක්ෂණද දියුණුවට හේතු නොවීමයි.

ආකල්ප සංවර්ධනය

එකම රටක් ලෙස සිටිනට හැකිවේ නම්
අපේ දෙයට ගරු කරනට දන්නේ නම්
වෙනසක් කරන්නට අයුරක් දන්නේ නම්
දියුණුව නොනවතින බව දන්නේ නම්

නිවැරදි සිතුම් ඇති අය වට්ටනු නොහැකි
වංචාවකින් ලොව ජයගන්නට නොහැකි
හරි ආකල්පයෙන් ලොව වෙත යන්න සකි
හදවත් තුලින් නොමියෙන ලෙස සිටිනු හැකි

කාළය

නොදැනෙන ලෙසට ගෙවිලා යන මායාව
ඝටිකා කටු වලින් මනිනා වේලාව
අපමන වටින බව ලොව කව්රුත් කිව්ව
නිසි ලෙස යොදා වෙනසක් කල හැකිය ලොව

යමකට හොදම කාළය නම් කළ හැකිද?
නව වෙනසකට තවමත් කාලය නැත්ද?
කාළය සමග දියුණුව වෙත ඇදි යයිද?
මෙය විසදනා විට විරුවන් නම් වෙයිද?

දොස්තර?

පොඩි ළමයකුට අපයෝජන සිදු කරපු
ජීවකයන්ගෙ නම කැත කරලා දාපු
මෙහෙම එවුන් එල්ල්න්නට බැරි කරපු
කවුද මෝඩයා අපෙ නීතිය හදපු

වෙනින් ඩොකාලත් මූ හට උදව්වලු
එහෙම උනුත් මේ දිවයිනෙ ඉන්නවලු
උන් බල කරල වර්තාවක් හදනවලු
කාටත් හොරා වංචාවත් රජ වෙයිලු  

වැඩ වර්ජන

වැඩ නොකෙරුමෙන් බෑ කිසිවක් ජය ගන්න
එකඑක කියුම් මත බොරුවට නොනැමෙන්න
ල‍ොකුලොක්කන්ට එලෙසට බෑ රිදවන්න
ඔබ වැනි අයම තැලෙනා බව දැනගන්න

රටත් ඔබත් වැඩ වැරුමෙන් නැගෙන්නැත
එබ මෙන් රටත් වැඩ කෙරුමෙන් නැගෙනු ඇත
යුතුකම කරපු ලෙස ඇතිවන සතුටු සිත
ඔබ මිය ඇදෙන තුරු හද තුල තිබෙනු ඇත

නියගය

රට සරු කරපු ගොවි බිම් අද වේ‍‍ලෙනවා
ලොක්කන් ගස් කපා ගොවියන් විදවනවා
මාස ගනන් වැව් වල ජල බිදු නැතුවා
බීමට වතුර සොයමින් දුර ඇවිදිනවා

නෙක නෙක සිහින පෙන්නා ඡන්දය ගන්න
බලවත් මහතුනේ ප‍ොඩ්ඩක් දැනගන්න
නැවත වරක් ම‍ේ විපතක් නොමවෙන්න
දිගුකල් සැළැස්මක් දැන්වත් ගෙන එන්න