Wednesday, December 31, 2014

2015 සුභ නව වසරක් වේවා...

නිවැරදි දෑතකට සිරිලක හිමි වේවා
සොබා දහමෙ කරුණාවද හිමි වේවා
රට නාමයෙන් සැමදන එකමුතු වේවා
නව වසරෙදී මුළු රටටම ජය වේවා

ක්‍රීඩාවෙදී ලොව දිනුමට හැකි වෙන්නයි
නව නිපැයුම්ද රට වෙනුවෙන් බිහි වෙන්නයි
ලෝකය ඉදිරියේ නැවතත් සිට ගන්නයි
ලක් මෑණියන් හට වසරම සුභ වෙන්නයි


Thursday, December 4, 2014

මෝහිනී මෙසේ කියනවා ඇති...

මතකයි එදා අප දෑසින් කතාවුණා
හදවත පතුලෙ පෙම් හැඟුමන් මෝදු වුණා
සඳ යාමයේ අප නිතරම මුණගැහුණා
අඳුරු රැයක අප හැඟුමන් එකතු වුණා

දමා නොයන ලෙස කලකදි සපථ වුනා
ඔහුගේ වදන් හමුවේ මා රැවට වුනා
කළක් යද්දි ඔහු කොහිදැයි නොමැති වුනා
නමක් නොමැති පුතෙකුන් මගෙ ලගට වුනා

යන එන දිසා නැති ලෙස අසරණ මෙමට
වෙනත් යමක් කරගන්නට නැති කලට
දින දෙක අතර ඇතිවන දොළහේ පැයට
අවපුතු සමග පැන්නෙමි මම මහ ගගට

කෙම්මුර දිනට සද වැහියන් හැංගෙන්න
රෑකුමාරි මල් පිපියන් සුවදෙන්න
සිසිල් සුළං හමාපුදෙන් නැලවෙන්න
මගෙහිමි සොයා මා එන බව දැනගන්න

Tuesday, November 18, 2014

විනෝදයට ඇයි වැටවල් බැද ගන්නේ....

වෙනත් අයට කරදරයක් නොම වෙන්නේ
ඉන්නා ටිකේ සතුටින් දිවි ගෙනයන්නේ
ලැබෙනා දෙයින් සැමදෙන හා හිනැහෙන්නේ
විනෝදයට, ඇයි වැටවල් බැද ගන්නේ

පැවරෙන යුතුකමත් සතුටින් කරන ගමන්
මනුසත් දිහා එක විදිහට බලන ගමන්
අළුත්, පැරණි දේ නිවැරදි ලෙස ගනිමින්
දියුණුව කරා දිවි අරගෙන යමු සතුටින්

Wednesday, November 5, 2014

නව නිපැයුම්...

ලෝකය සමග රට පෙරටම ගෙනයන්න
අළුතෙන් සිතා අළුතෙන් දේ නිපදන්න
හෙට දින හැදෙන නව ලෝකය ජයගන්න
මනුසත් දියුණුවට විද්‍යා කරකන්න

අළුත් දෙයක් තනමින් ලොව ජයගන්න
අනාගතේ ලොව වෙනසට ගෙනයන්න
කරනා විටදි තව මොහොතක් සිතමින්න
සොබාදහම හැමදාටම රැකගන්න

Saturday, October 25, 2014

රට නැංවූ මිනිසුන්

සීගිරි ගලේ සිතුවම් ඇන්දේ කවුරු
සිංහ රුවට ජීවය දුන්නේ කවුරු
සීගිරි ගලේ ඉතිහාසේ නම කවුරු
ඉතිහාසයද ඇයි මේ තරමට නපුරු

කලා වැවට දිය පිරුණේ කොයි දෑතින්
යොධ ඇලේ දිය ගැළුවේ කොයි දෑතින්
ඉතිහාසයේ නම් ලියවන කලට ඉතින්
ඇයි නොලිවුනේ 'සහ පිරිසයි' කියන වදන්

ඉතිහාසයෙම පර සතුරන් පැරද වුනා
රටකට ඕනෙ ඒ නිදහස සඵල වුනා
දේශය නමින් පොඩි මිනිසුන් මිය ඇදුනා
නිරිදුන් නමක් ඉතිහාසයෙ පල කෙරුණා

වඩුවාණනේ ඔබ කල බුදුරුව මනරම්
පුදුමයි ගලන්නැහැ මේ මුවගින් සදහම්
දෑසින් පෙනෙයි මෙත් මුදිතා ගූණ මනරම්
ඔබගේ දිවිය මෙලෙසට වූවද කැටයම්

ඉතිහාසයට අමතකදෝ ඔබේ නම
කාළය සමග ලියවිණ ඒ රජුගෙ නම
කෙලෙසින් ඔවුන් මග හැරියද හපන්කම
පොතකට නොවේ හද තුලටම කියමි මම

මේ මිනිසුන්ට මේ කවි පද ඇසුණා නම්
දෙන පිලිතුරුත් කෙලෙසට වෙද දන්නේ නම්

සීගිරි ගලේ ඇන්දේ යුතුකම වෙනුවෙන්
සිංහ රුවට දිවි දුන්නේ රජු වෙනුවෙන්
ඉතිහාසයේ නැති වූවද අප නාමෙන්
දුක නෑ කලෙමියුතුකම මම රට වෙනුවෙන්

කලා වැවට දිය පිරුණේ අපෙ දෑතින්
යොධ ඇලේ දිය ගැලුවේ අපෙ දෑතින්
මව් බිම හැදුණෙ ඒ නිරිදුන්ගේ නුවණින්
සැබෑ රජෙකු විය එතුමන් රට නාමෙන්

දෙදහස් වසක් මේ සිරිලක රැක දුන්න
දේශෙට ඕන ඒ නිදහස රැක දුන්න
අපි වෙමු සෙබළු හැම යුද්දෙම මිය ඇදුන
ඇගයුම නෙවෙයි මව් බිම විතරයි ඕන

දෙදහස් වසට ‍පෙර යුගයක ලක උන්න
මම වෙමි වඩුව බුදුන‍ග රුව හැඩ කෙරුණ
කළයුතු යුතුකමත් කෙරුවෙමි වෙත දෙරණ
මට නම් ඕනෙ නෑ මගෙ නම ලියවන්න

Tuesday, October 21, 2014

අදුර දුරු වේවා....

සිරිලක පුරා හැම අදුරම දුරු වෙන්නයි
අදුර මරා ආලෝකය බිහි වෙන්නයි
සැම පහණකින් අපෙ රට වෙත සෙත් දෙන්නයි
මෙදා පටන් ඔබ සැම හට ජය වෙන්නයි

සිත් තුල තිබෙන සැක සංකා දුරු වේවා
මුළුරට පුරා සිත් එක ලෙස යාවේවා
සැහට තිබෙන දුක් අදුරද දුරු වේවා
සැමදා රැකෙන මිතුදමකින් එක් වේවා

Monday, October 20, 2014

ඡන්දය...

වටිනා කියන අපගේ දෙය රැකගන්න
ගැලපෙන දෙයක් මව්බිම වෙත ගෙන එන්න
නිමැවුම් අපේ, ලොව වෙත අරගෙන යන්න
හැකි මිනිසකුට හය වසරක් රට දෙන්න

නීතිය නියම ලෙස රටතුල පවතී නම්
කාගෙත් වරදකට දඩුවම හිමි වේ නම්
මෙලෙසට කරයි ලෙස විශ්වාසය ඇති නම්
පමණක් දෙන්න ඡන්දය දැන වටිනාකම්

Thursday, October 16, 2014

සුවිශේෂී ක්‍රීඩකයා....

අප රට නාමය ලොවට ගෙනයමින්
පන්දුව හමුවේ පිත්ත අතදරන්
ලොකය හමුවේ කරපු ඒ සටන්
මතකයි කෙළිබිම නැගු දද එලෙසින්

අරවින්ද ද සිල්වා මහතාට සුභ උපන් දිනක් පතමින්.... 

Sunday, October 5, 2014

හජ්ජි පැතුම

ආගම දහම හරිහැටි හදුනාගන්න
ආගම නමින් වෛරය බෑ වපුරන්න
දෙවියනි නැවත මනුලොව වෙත වඩිමින්න
ආගම දහමෙ හරි අර්ථය පහදන්න

මනුසත් දහඑ හදුනන මිනිසුනි ඔන්න
දෙවියන් ඔබව රැකදෙන බව දැන ගන්න
ඔබගේ දිවිය හැමදාමත් සරු වෙන්න
කවකට නැගුණු මේ පැතුමන් පිළිගන්න

Thursday, October 2, 2014

ශ්‍රේෂ්ඨ ශ්‍රී ලාංකිකයා...

උපන් බිමට තම යුතුකම ඉටු කෙරුව
ත්‍රස්තවාදයේ අදුර ල‍ොවට කිව්ව
ලොවක් ඉදිරියේ හඩක් රටට පෙව්ව
උදාර විරුවෙකි රටෙ පෙරමග කිව්ව

ලක්ෂ්මන් කදිරගාමර් මහතා වෙනුවෙනි.....

Wednesday, October 1, 2014

ලෝක ළමා දිනය වෙනුවෙන්

අනාගතය හැඩ කරන්න
හෙට ලෝකය දිනා ගන්න
අපෙ මව් බිම සුරැකගන්න
නිවැරදි දේ ඉගෙනගන්න

Sunday, September 28, 2014

වර්තමාන ලාංකීය සමාජය

  වර්තමාන ලාාංකීය සමාජය අතරමං වී ඇත.ලාංකීය සමාජයේ නියමුවන් වන වැඩිහිටියෝ මෙකලට නොගැලපෙන පැරණි සමාජ ලක්ෂණ ස්තාපිත කිරීමට උත්සහ කරති. අනවශ්‍ය ලෙස ද‍ේශපාලකයන් කෙරෙහි බලාපොරොත්තු තබති.ශ්‍රී ලාංකික සමාජය තම අනන්‍යතාවය රැක ගැනීමටද ල‍ෝක සමග දියුණුවීමටද අසමත් වී ඇත.මීට හේතුව රැක ගැනීමට උත්සහ කළ සමාජ ලක්ෂණද ලබාගත් විදෙස් සමාජ ලක්ෂණද දියුණුවට හේතු නොවීමයි.

Monday, September 15, 2014

ආකල්ප සංවර්ධනය

එකම රටක් ලෙස සිටිනට හැකිවේ නම්
අපේ දෙයට ගරු කරනට දන්නේ නම්
වෙනසක් කරන්නට අයුරක් දන්නේ නම්
දියුණුව නොනවතින බව දන්නේ නම්

නිවැරදි සිතුම් ඇති අය වට්ටනු නොහැකි
වංචාවකින් ලොව ජයගන්නට නොහැකි
හරි ආකල්පයෙන් ලොව වෙත යන්න සකි
හදවත් තුලින් නොමියෙන ලෙස සිටිනු හැකි

Saturday, September 6, 2014

කාළය

නොදැනෙන ලෙසට ගෙවිලා යන මායාව
ඝටිකා කටු වලින් මනිනා වේලාව
අපමන වටින බව ලොව කව්රුත් කිව්ව
නිසි ලෙස යොදා වෙනසක් කල හැකිය ලොව

යමකට හොදම කාළය නම් කළ හැකිද?
නව වෙනසකට තවමත් කාලය නැත්ද?
කාළය සමග දියුණුව වෙත ඇදි යයිද?
මෙය විසදනා විට විරුවන් නම් වෙයිද?

Wednesday, August 27, 2014

දොස්තර?

පොඩි ළමයකුට අපයෝජන සිදු කරපු
ජීවකයන්ගෙ නම කැත කරලා දාපු
මෙහෙම එවුන් එල්ල්න්නට බැරි කරපු
කවුද මෝඩයා අපෙ නීතිය හදපු

වෙනින් ඩොකාලත් මූ හට උදව්වලු
එහෙම උනුත් මේ දිවයිනෙ ඉන්නවලු
උන් බල කරල වර්තාවක් හදනවලු
කාටත් හොරා වංචාවත් රජ වෙයිලු  

Wednesday, August 20, 2014

වැඩ වර්ජන

වැඩ නොකෙරුමෙන් බෑ කිසිවක් ජය ගන්න
එකඑක කියුම් මත බොරුවට නොනැමෙන්න
ල‍ොකුලොක්කන්ට එලෙසට බෑ රිදවන්න
ඔබ වැනි අයම තැලෙනා බව දැනගන්න

රටත් ඔබත් වැඩ වැරුමෙන් නැගෙන්නැත
එබ මෙන් රටත් වැඩ කෙරුමෙන් නැගෙනු ඇත
යුතුකම කරපු ලෙස ඇතිවන සතුටු සිත
ඔබ මිය ඇදෙන තුරු හද තුල තිබෙනු ඇත

Saturday, August 16, 2014

නියගය

රට සරු කරපු ගොවි බිම් අද වේ‍‍ලෙනවා
ලොක්කන් ගස් කපා ගොවියන් විදවනවා
මාස ගනන් වැව් වල ජල බිදු නැතුවා
බීමට වතුර සොයමින් දුර ඇවිදිනවා

නෙක නෙක සිහින පෙන්නා ඡන්දය ගන්න
බලවත් මහතුනේ ප‍ොඩ්ඩක් දැනගන්න
නැවත වරක් ම‍ේ විපතක් නොමවෙන්න
දිගුකල් සැළැස්මක් දැන්වත් ගෙන එන්න