Friday, November 22, 2019

මල් කුමරි...

දිවි මරණ දරුණු විශ පොළව තුළ සඟවලා
ඉහළ ඇදි ළතාවක අතු අගේ පීදිලා
යනෙන නෙත් හැමක වගෙ සොඳුරු පැහැ තවරලා
දැනෙන සේ හිනැහුනා මල් කුමරි නියඟලා

Friday, June 21, 2019

මතු දිනේ...

පාන්දර හිරු එළියෙ රන් කිරණ තැවරිලා
සිසිළ දෙන පිණිබිංදු දස අතම විසිරිලා
හරිත පැහැ අතු අගට රතුපාට මුහුවෙලා
මතු දිනේ ගසක් වන මලක් විකසිතවෙලා

මතු දිනේ ගස වෙන්න පොළව ශක්තිය දේවි
අතු දසත පතුරුවා සෙවණ සිසිළස දේවි
තවත් මල් පිපෙන්නට ගසක් වී දිරි දේවි
මහ රුකක් වී එලෙස දිගු කලක් වැජඹේවි